Bu gün Xalq artisti Gülşən Qurbanovanın anım günüdür.

Kulis.az onun haqqında materialı təqdim edir.

Gülşən Ağadadaş qızı Qurbanova 19 dekabr 1950-ci ildə Bakıda anadan olub. Orta təhsilini 175 saylı məktəbdə rus dilində alıb. 15 yaşında kitabxanaçılıq texnikumunu bitirdikdən sonra TV-də rejissor assistenti işləməyə başlayıb. 1974-cü ildə Azərbaycan Teatr institutunun aktyorluq fakültəsini başa vurub Gənc Tamaşaçılar Teatrının aparıcı aktrisalarından olub.

Gülşən Ağadadaş qızı Qurbanova 1950-ci il dekabrın 19-da Bakıda dünyaya gəlib. Orta təhsilini 175 saylı məktəbdə rus bölməsində alıb. Cəmi 15 yaşı olanda kitabxanaçılıq texnikumunu bitirib və elə həmin vaxt televiziya mühitinə qədəm qoyaraq rejissor assistenti kimi çalışmağa başlayıb. Sonradan Azərbaycan Teatr İnstitutunun aktyorluq fakültəsinə daxil olub və 1974-cü ildə bu təhsili başa vuraraq Gənc Tamaşaçılar Teatrının aparıcı aktrisalarından birinə çevrilib.

Səhnədə olduğu illər ərzində “Mənim nəğməkar bibim”, “Ana laylası”, “Tamahkar”, “Fudzi dağında qonaqlıq”, “Zəncirlənmiş Prometey”, “Pul dəlisi”, “Bala bəla sözündəndir” kimi tamaşalarda yaratdığı obrazlar yadda qalan olub. Kino sahəsində də fəal olan aktrisanın film siyahısında 20-dən artıq ekran işi yer alıb.

Ağadadaş Qurbanovun qızı – faciənin içində böyümüş taleyin sahibi

Gülşən Qurbanova məşhur aktyor Ağadadaş Qurbanovun övladı idi. Lakin atasının ölümü onun həyatında sağalmayan bir yara olaraq qaldı. Salyana qastrola gedən aktyor 15 yaşlı qızını da özü ilə aparmışdı. Qaldıqları mehmanxananın eyvanı qəflətən uçub və Ağadadaş Qurbanov həyatını itirib. Gülşənin qolu sınıb və onu xəstəxanaya yerləşdiriblər. Atasının ölüm xəbəri isə bir müddət ondan gizli saxlanılıb.

Aktrisanın ata bir ana ayrı qardaşı Hamlet Qurbanovla qarşılaşması da məhz atasının dəfn mərasimində baş tutub. O vaxta qədər bir-birini görməyən bacı-qardaş elə həmin gün tanış olublar. Lakin sonradan Hamlet Qurbanovun anası Gülxar Həsənovanın Gülşənin anası ilə bağlı dediyi sərt ifadələr onların münasibətlərinə kölgə salıb.

İki uğursuz evlilik – iki fərqli həyat hekayəsi

Gülşən Qurbanovanın ilk nikahı Rüstəm adlı aktyorla olub və bu evlilikdən Kəmalə adında qızı dünyaya gəlib. Cütlüyün münasibəti uzun ömürlü olmayıb və ayrılıblar. Sonralar aktrisa həmkarlarından biri Mübariz Əlixanoğlu ilə ailə qurub. Lakin ikinci nikah da xoşbəxtlik gətirməyib. M. Əlixanoğlunun alkoqola meyilli olması ailəni dağıdan başlıca səbəb kimi göstərilib. O, bir neçə filmdə, o cümlədən “Yol əhvalatı” filmində inspektor obrazı ilə tanınıb.

Teatrdan ekranlara yol

2006-cı ildə teatr fəaliyyətinə son qoyan Gülşən Qurbanova televiziya layihələrinə dəvətlər alıb. Uzun müddət AzTV-də yayımlanan “Gəlin, birlikdə gülək” proqramının simasına çevrilib. Verilişdə onun əsas tərəf müqabili Xalq artisti Yasin Qarayev və Əməkdar artist Azər Mirzəyev idi. Həmin illərdə aktrisanın Azər Mirzəyevlə romantik münasibət yaşadığı barədə söz-söhbətlər də dolaşırdı.

AzTV-dəki layihədən sonra o, ANS-lə əməkdaşlıq edib və “Qaynar qazan” verilişinə aparıcılıq etməklə tamaşaçı rəğbəti qazanıb. Bəzi fikirlərə görə, bu proqram aktrisaya əvvəllər əldə etmədiyi populyarlığı gətirib. Lakin ANS-dən incik ayrıldığı deyilir.

Üç infarkt, qırılmış həyat və müəmmalı son

Gülşən Qurbanovanın az adamın bildiyi bir məqamı vardı: o, həyatında üç dəfə infarkt keçirmişdi. Hər zaman nikbin görünməyə çalışan aktrisa 2006-cı ilin 17 noyabrında televiziya çəkilişlərindən evə qayıdarkən daha bir ağır infarkt keçirib və 56 yaşında dünyadan köçüb. Ailəsi onu Fəxri Xiyabanda dəfn etdirmək istəsə də, buna nail ola bilməyibər.

Aktrisa ölümdən həmişə qorxduğunu gizlətməzmiş və zarafatla yaxınlarına “məni bir-iki gün saxlayın, bəlkə dirildim” deyərmiş.

Bu sözlər onun ölümündən sonra yayılan şayiələrin daha da böyüməsinə səbəb olub. Ən çox dolaşan iddia isə onun guya diri-diri dəfn edilməsi barədə idi. Bu xəbərlər yayılsa da, yaxın çevrəsi iddiaları dəfələrlə təkzib edib.

Aktrisanın ölümünün təfərrüatları uzun illər cəmiyyətdə suallar doğurub. Onunla yaxın olan sənət adamlarının bəziləri bildiriblər ki, Gülşən Qurbanovanın adı həyatının son dönəmlərində bəzi qaranlıq məsələlərdə hallanırdı. Hətta bir dəfə efirlərdən birində olarkən aktrisaya polis tərəfindən axtarıldığına dair məlumat çatdırıldığı deyilib. Bu xəbərlərdən sonra aktrisanın bir müddət məcburi köçkünlərin yaşadığı yataqxanada gizləndiyi iddia olunub. Məhz həmin yataqxanaya çəkilişdən qayıtdığı gün onun ürəyi dayanıb. Yaxınları isə vəziyyəti gizlətmək üçün cəsədini tezliklə evə gətiriblər.

Son nəfəs, açılan qəbir və dolaşan şayiələr

Aktrisa dünyasını dəyişəndə yenicə doğulmuş nəvəsi Maqsudun qırxı çıxmamışdı. Amma təəssüf ki, onu cəmi 20 gün görə bildi.

Adının çəkilməsini istəməyən həmkarlarından biri deyir ki, ölümündən bir neçə gün sonra onun qəbri yaxınları tərəfindən açılıb. Bu həqiqətdir, yoxsa şayiə, amma iddia olunur ki:

“Kəfəni cırıblar. Görüblər ki, üz gözü cırıq-cırıqdır. Sağ əli qulağının dibində qalıb. Bundan sonra belə qənaətə gəliblər ki, əslində o, dəfn edilərkən sağ imiş. Sadəcə polislərin axtardığını eşidəndən sonra güclü şok keçirib. Qəbirdə ayılıb və qorxudan ürəyi partlayıb. Gülşən köhnə qəbiristanlıqda dəfn olunub”.

***

Lakin bu söz-söhbətlərdən sonra aktrisanın qızı Kəmalə bir neçə sayta açıqlama verərək bildirib ki, Gülşən Qurbanovanın ölümü ilə bağlı yayılan bu fikirlər heç bir halda həqiqəti əks etdirmir.

• Zəngəzur haqqında yeni tarixi roman çap olundu
• Xalq yazıçısı Anar: "Qarabağ əvvəlkidən də gözəl olacaq" - VİDEO
• Azərbaycanın ilk beynəlxalq qrossmeysteri haqqında Türkiyədə film çəkilib