Xalq yazıçısı Kamal Abdullanın eyniadlı pyesinin motivləri əsasında səhnələşdirilən "Gülçöhrə və Əsgər" tamaşasının premyerası olacaq.
Kulis.az xəbər verir ki, tamaşa 18 noyabrda saat 19:00-da Azərbaycan Dövlət Akademik Musiqili Teatrında göstəriləcək.
Tamaşada əsas rolları Əzizağa Əzizov, Almaz Ələsgərova, Səmədzadə Xasıyev, Mehriban Zaliyeva, Nicat Əli və başqaları canlandırır.
“Gülçöhrə və Əsgər” musiqili dramı dahi Üzeyir Hacıbəylinin məşhur “Arşın mal alan” əsərinin davamdır.
Tamaşa Azərbaycan Xalq Cümhuriyyəti dövründə baş verən siyasi və ictimai hadisələri, xüsusilə bolşeviklərin ölkəmizə vurduğu maddi və mənəvi zərbələrin acı nəticələrini incə ustalıqla əks etdirir.
Əsərdə baş qəhrəmanlar - Əsgər və Gülçöhrə - tarixin qaranlıq və sərt dönəmlərində yaşadıqları sarsıntılar fonunda bütöv bir dövrün mənzərəsini yaradırlar.
Əsgərin Sibirdə keçirdiyi məşəqqətli illər, Gülçöhrənin isə ümidsizlik içində onu gözləməsi təkcə nakam bir sevgi hekayəsi deyil, həm də bir xalqın yaddaşını, mübarizliyini və sarsılmaz ruhunu əks etdirən bədii salnamədir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər