Ayrı-ayrı Rusiya KİV-lərinin jurnalistləri Rusiyanın böyük kinoteatrlarının maliyyə hesabatlarını təhlil edib və belə nəticəyə gəliblər ki, Hollivud studiyalarının getməsi fonunda 2022-ci ildən bütün Rusiya kinoteatrları milyardlarla itki verib.
Kulis.az xarici mediaya istinadən xəbər verir ki, nəticələrə görə, Formula Kino və Cinema Parkın ən böyük birləşmiş kinoteatrlar şəbəkəsinin əsas hüquqi şəxsi – 65 kinoteatrı idarə edən “Cinema Park” ASC – Cinema Park ASC 2022-ci ildə gəlirlərinin 43,2%-ni itirib. “Cinema Park” ASC-nin 2022-ci ildə ümumi zərəri 1,8 milyard rubl təşkil edib.
Növbəti belə itki 12 kinoteatrı idarə edən RSM MMC-yə məxsusdur. Orada ümumi gəlir 47,3% azalaraq 1,1 milyard rubl təşkil edib. İl ərzində xalis zərər 482,4 milyon rubl olub.
KARO şəbəkəsinin gəliri isə 41,8% azalaraq 2,2 milyard rubl, xalis zərər isə 1,3 milyard rubl təşkil edib. Eyni zamanda "Kinomax" şəbəkəsini idarə edən hüquqi şəxsin gəliri 46,6% , təxminən 2 milyard rubla qədər azaldıb. Zərər - təxminən 1 milyard rubl olub.
Cinema Star'ı idarə edən şirkət də gəlirlərinin azaldığını bildirib. Bu şirkət 40 milyon rubl zərər görüb.
Qeyd edək ki, bütün bu itkilərə baxmayaraq Rusiya Kinoteatrları hələ ki, yalnız regional səviyyədə müəyyən dəstək ala bilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər