Kino Agentliyi “Qızılalma” festivalında mükafata layiq görüldü

Kino Agentliyi “Qızılalma” festivalında mükafata layiq görüldü
7 may 2024
# 10:40

Türkiyənin İzmir şəhərində keçirilən “Qızılalma” Beynəlxalq Turan Film Festivalında Azərbaycan Respublikasının Kino Agentliyi (ARKA) “Kino sənətinə töhfə” mükafatına layiq görülüb.

Kulis.az xəbər verir ki, ARKA-nın Türk dünyası ilə müştərək layihələrə başlaması, müxtəlif layihələrin dəstəklənməsində birbaşa iştirakı festivalın təşkilatçıları tərəfindən yüksək qiymətləndirilib. Son vaxtlar Kino Agentliyi türkdilli dövlətlərdə keçirilən müsabiqə və festivallarda yaxından iştirak edir. Türk dünyasında baş verən mədəniyyət hadisələrinə ARKA öz töhfəsini verir. Hər il müxtəlif dövlətlərdə keçirilən 3-cü “Qorqud Ata” Türk Dünyası Film Festivalının təşkilatçılığından sonra ARKA Türk dünyasını birləşdirən müxtəlif kino layihələrin və festivalların təşkilinə dəstək verməkdədir.

“Qızılalma” Beynəlxalq Turan Film Festivalının TÜRKSOY və ARKA tərəfindən dəstəklənməsi bu istiqamətdə növbəti tədbirlərdən biridir. Artıq ARKA “Qızılalma” festivalını Azərbaycanın işğaldan azad olunmuş ərazilərində keçirməsini planlaşdırır.

Digər tərəfdən Türk dünyasının kino bazarı Azərbaycan film istehsalçıları üçün də müəyyən maraq kəsb edir. Azərbaycanın bəzi şirkətləri yerli bazarla bərabər digər türkdilli ölkələrin bazarına girməyi düşünür. Bu istiqamətdə agentliyin bir neçə filmi Qazaxıstan, Türkiyə bazarında nümayiş olunsa da, müəyyən problemlər ucbatından bu proses yarımçıq qaldı. Kino Agentliyi bu problemlərin aradan qaldırılması üçün yerli filmlərin xarici dillərə alt yazı və səsləndirmə ilə tərcüməsini həyata keçirməyi planlaşdırır. Son illərin əlaqələrini gözdən keçirsək görərik ki, artıq ARKA üçün yeni kino bazarı təkcə Azərbaycanla məhdudlaşmır, yeni hədəflər, yeni kino bazarı ortaq dilə mənsub olan Türk dünyasıdır.

# 800 dəfə oxunub

Oxşar xəbərlər

Elton Con korluğundan danışdı: "Oğullarımla idman yayımları izləyə bilmirəm"

Elton Con korluğundan danışdı: "Oğullarımla idman yayımları izləyə bilmirəm"

16:00 5 aprel 2025
"Bu adamları kim işə götürüb?" - Mədəniyyət Nazirliyinin müəllim qalmaqalı

"Bu adamları kim işə götürüb?" - Mədəniyyət Nazirliyinin müəllim qalmaqalı

15:06 5 aprel 2025
İnqilabçı sevgi şeiri yazarmı? - Qismət Rüstəmov

İnqilabçı sevgi şeiri yazarmı? - Qismət Rüstəmov

13:17 5 aprel 2025
Asəf Zeynallı kimdir?

Asəf Zeynallı kimdir?

13:00 5 aprel 2025
Lənkəran Dövlət Teatrına yeni təyinat

Lənkəran Dövlət Teatrına yeni təyinat

12:01 5 aprel 2025
Şuşa Teatrına yeni təyinat

Şuşa Teatrına yeni təyinat

10:43 5 aprel 2025
#
#
# # #