"Oskar" mükafatlı rejissor Aleks Qibninin qalmaqallı milyarder İlon Maskın həyatından bəhs edən "Musk" sənədli filmi tezliklə nümayiş olunacaq.
Kulis.az xəbər verir ki, milyarderin həyatını heç bir bəzək-düzəksiz, bütün çılpaqlığı və dəqiqliyi ilə araşdıran ekran işi hələ premyeradan əvvəl ciddi rezonans doğurub.
Belə ki, İlon Mask layihəyə kəskin etirazını bildirərək onu özünə qarşı yönəlmiş "qaralama kampaniyası" adlandırıb.
Lakin böyük maraqla gözlənilən sənədli filmin ən heyrətamiz və qeyri-adi tərəfi onun finalında səslənən bağlanış kompozisiyası ilə bağlıdır. Devid Börn və Daniel Pemberton ekran əsərinin sonluğu üçün "Let Me Sell You A Dream" ("İcazə ver, sənə bir xəyal satım") adlı mahnı ilə çıxış ediblər.
Mahnının sözləri başdan-ayağa İlon Maskın çıxışlarından və müxtəlif dövrlərdə verdiyi qalmaqallı müsahibələrdən yığılıb. Ərsəyə gələn qeyri-adi musiqi parçası haqqında danışan Devid Börn layihənin pərdəarxası sirrini belə açıqlayıb:
"İnternetdən onun bütün vacib açıqlamalarını bircə-bircə topladım. Mətnə heç bir subyektiv şərh və ya əlavə kəlmə daxil edilməyib, mahnının hər bir sətri birbaşa onun öz dilindən çıxan sözlərdir".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər