Cəlil Cavanşir üsyan etdi: “Bizə anormal münasibət göstərirlər”

Cəlil Cavanşir, yazar

Cəlil Cavanşir, yazar

17 fevral 2022
# 14:00

"Yeni şeir kitabımın hazırlıqlarına dekabr ayında başladım. Bir neçə təklif vardı, düşündüm-daşındım qəbul etmədim”.

Bu sözləri Kulis.az-a tanınmış şair Cəlil Cavanşir söyləyib. O, daha sonra əlavə edib:

“Nəşriyyatların vəziyyətindən xəbərdaram, şairə, yazıçıya qonorar vermək imkanları məhduddur. Ancaq, nəşriyyat kitabı çap edib satışa çıxarırsa, mütləq müəllifə qonorar ödəməlidir. Simvolik də olsa, yazıçı və şair qonorar almalıdır. Nəşriyyat sadəcə jest olaraq müəyyən müəllifləri öz hesabına çap edir və satışa çıxarır. Sonrakı mərhələ nə yazıçıya, nə də nəşriyyata maraqlı olur. Kitab qalır rəflərdə, uzaqbaşı yarmarkalarda 50-90%-lik endirimlə satılır. Ümumiyyətlə, Azərbaycan müəllifisənsə nəşriyyat da, kitab mağazası da sənə anormal münasibət bəsləyir. Mən istəyirəm ki, kitabıma görə qonorar ödənsin və nəşriyyat çap etdiyi kitabın yayılmasında, satılmasında maraqlı olsun, satış, marketinq strategiyası düşünsün. Artıq "Azərbaycan müəllifləri oxunmur, satılmır" bəhanəsi ilə yerli müəllifləri aşağılamağa son qoyulmalıdır. Azərbaycan müəllifi kifayət qədər sanballı əsər yazır, dəstəyi, köməyi olsa dünyaya da çıxar, dünya səviyyəli mükafatlar da alar. Dövlət və özəl nəşriyyatlar zəhmət çəkib düzgün strategiya ilə yerli müəllifləri təbliğ edib, kitablarını satmaqda maraqlı olmalıdır.

Bu günə qədər naşirlərdən hər zaman dəstək görmüşəm. Kitablarım nəşriyyatların hesabına çap olunub. Satılan kitablarım da şəxsi nüfuzum, reklamım hesabına satılıb. Bu variantı artıq uğurlu hesab etmirəm. Şeir kitabıma hansı nəşriyyat qonorar təklif etsə, onunla işləyəcəm. Qonorar verilməsə kitab çap etdirməyi düşünmürəm”.

# 1956 dəfə oxunub

Oxşar xəbərlər

Yasaq sevgi hekayəsi - Yeni serial

Yasaq sevgi hekayəsi - Yeni serial

17:00 24 aprel 2025
78-ci Kann Kino Festivalının yeni sədri seçilib

78-ci Kann Kino Festivalının yeni sədri seçilib

16:20 24 aprel 2025
“Abay” romanının təqdimatı keçirilib

“Abay” romanının təqdimatı keçirilib

15:45 24 aprel 2025
“Hikmət mücrüsü” kitabının təqdimatı keçirilib

“Hikmət mücrüsü” kitabının təqdimatı keçirilib

15:10 24 aprel 2025
Aktyor Yavuz Çetin vəfat edib

Aktyor Yavuz Çetin vəfat edib

14:35 24 aprel 2025
Fransa kinosu günləri keçirilir

Fransa kinosu günləri keçirilir

14:05 24 aprel 2025
#
#
# # #