"Azərbaycan Dövlət Tərcümə Mərkəzi müxtəlif dəyərli adamları, müxtəlif vaxtlarda işə götürməsi, sonra işdən çıxarması ilə məşhurdur. Çünki Xalq yazıçısı Afaq Məsud idarəçilikdə də naşıdır, qərəzlidir, paxıldır".

Kulis.az xəbər verir ki, bu sözləri yazıçı, şair Cəlil Cavanşir feysbuk statusunda qeyd edib.

O, Mərkəzin Azərbaycan ədəbiyyatını yetərli səviyyədə təbliğ etmədiyindən şikayətlənib:

"Yurdumuzda Azərbaycan Dövlət Tərcümə Mərkəzi adlı bir qurum var. İdarə Heyətinin sədri də xalq yazıçısı Afaq Məsuddur.
Azərbaycan Dövlət Tərcümə Mərkəzində çox dəyərli insanlar işləməkdədir ki, əksəriyyətinin yaradıcılığı və xidmətləri ilə yaxından tanışam.

Ancaq Azərbaycan Dövlət Tərcümə Mərkəzində həm də Xalq yazıçısı Afaq Məsudun ailə üzvləri, yaxınları, dostları və rəfiqələri də çalışır. Onların heç birinin fəaliyyəti ilə tanış deyiləm.

Azərbaycan Dövlət Tərcümə Mərkəzinin vəzifələrindən biri də "...Azərbaycan ədəbiyyatının beynəlxalq aləmdə, xarici ədəbiyyatların Azərbaycanda tanıdılması və təbliği işinin həyata keçirilməsidir." Ancaq Azərbaycan Dövlət Tərcümə Mərkəzi daha çox xarici portallarda yerli yazıçıların hekayələrini çap etdirir. sonra da rəsmi saytında bu barədə xəbərlər paylaşır.

Halbuki Azərbaycan Dövlət Tərcümə Mərkəzi daha böyük işlər görməlidir! Hansı işlər? Bunu xalq yazıçısı Afaq Məsud çox gözəl bilir. Amma şəxsi ambisiyaları, şöhrətpərəstliyi, dostbazlığı, qohumbazlığı Azərbaycan Dövlət Tərcümə Mərkəzinin ciddi bir qurum kimi fəaliyyət göstərməsinə mane olur.

Azərbaycan Dövlət Tərcümə Mərkəzi müxtəlif dəyərli adamları, müxtəlif vaxtlarda işə götürməsi, sonra işdən çıxarması ilə məşhurdur. Çünki xalq yazıçısı Afaq Məsud idarəçilikdə də naşıdır, qərəzlidir, paxıldır.

İndi sual yarana bilər ki, müəllim sənin nəyinə lazımdır Azərbaycan Dövlət Tərcümə Mərkəzinin fəaliyyəti?

Açığı mənə qətiyyən lazım deyil. Amma bu ölkəyə, bu xalqa, bu ölkənin və xalqın mədəniyyətinə, ədəbiyyatına lazımdır. Ona görə yadıma düşdü, yazdım.

Azərbaycan Dövlət Tərcümə Mərkəzi və xalq yazıçısı Afaq Məsud barədə hələlik bu qədər".

• "Ay tifağı dağılmış, bəs sən nə vaxt kişi olacaqsan?" - "Gümüşgöl əfsanəsi"ndən bir hissə
• "Belə adlar qeydiyyat idarələrindən toplandı və verilməsinə qadağa qoyuldu" - Sayalı Sadıqova ilə müsahibə
• Azərbaycanın ilk xanım deputatının kitabı hərraca çıxarıldı