Amerikalı şair və naşir, beat nəslinin nümayəndələrindən sayılan Lourens Ferlinqetti vəfat edib.

Kulis.az xarici mediaya istinadən xəbər verir ki, 101 yaşlı şairin ağciyər xəstəliyindən vəfat etdiyi bildirilir.

Ferlinqetti 1919- cu ildə Nyu-Yorkda anadan olub. Atası o dünyaya gəlməzdən əvvəl vəfat edən, anası isə psixiatriya xəstəxanasına düşən Ferlinqettini xalası böyüdüb. Lakin 7 yaşı olanda xalası onu yanınmda işlədiyi qubernatorun evində qoyub qaçıb. Çətin uşaqlıq keçirtməsinə baxmayaraq o, ali məktəbə qəbul olub. 1941- ci ildə jurnalist olan Ferlinqetti sonralara könüllü Donanmaya gedib. 1950- ci ildə Avropadan ABŞ-a qayıdan Ferlinqetti Sna Fransiskoya köçərək burada dostu ilə birlikdə “City Lights” kitab mağazasını açıb. Mağaza gəlir gətirmədiyi üçün bağlandı. Amma yaradıcı və mədəni mühitdə xeyli məşhurlaşdı. Ferlinqetti şair Allen Ginsberqin Voy və digər şairlərin ilk naşiri olub.

Ginsberg və Ferlinqetti 1957-ci ildə ədəbsiz əsərlər yaymaqda günahlandırılaraq həbs olunub, lakin məhkəmə onlara bəraət verib. 1958-ci ildə Ferlinghetti ilk şeirlər toplusunu nəşr etdirib. Bu toplu bir milyon nüsxə satılaraq müəllifə dünya şöhrəti qazandırıb.

Naşir ümumilikdə 50-dən çox şeir toplusu və roman nəşr etdirib.

• ​​​​​​​“Mədəni irsini qoru” layihəsi Böyük və Kiçik Mərdəkan qəsrlərinə infoturla davam edib
• Bu serial 10 bölüm uzadıldı - Səbəb
• “Vətənimdir, vətənim...” konsert-kompozisiyası təqdim edildi