Azərbaycan Dövlət “Yuğ” Teatrının yaradıcı heyəti İmadəddin Nəsimiyə həsr olunmuş “Mənəm, mən...” adlı tamaşanı növbəti dəfə yanvarın 29-da teatrsevərlərin ixtiyarına verəcək.

Azərbaycan Dövlət “Yuğ” Teatrı və Beynəlxalq Türk Mədəniyyəti və İrsi Fondunun birgə layihəsi əsasında hazırlanan səhnə əsərinin janrı mistik-psixoloji dramı kimi təyin edilib.

Səhnə əsərində aktyorlar Xalq artisti Məmməd Səfa, Əməkdar artist Qasım Nağı, aktyorlar Əbdülqəni Əliyev, Ziya Ağa, Vüqar Hacıyev, Elgün Həmidov, Elşən Əsgərov və Amid Qasımov çıxış edəcək.

• Bu kitabı oxumaq üçün 200 milyon il lazımdır
• AKİ gənc rejissorlar üçün sənədli film təlimləri təşkil edir
• Van Damm insan alveri iddialarına cavab verdi

Qeyd edək ki, yazıçı-dramaturq İlqar Fəhminin pyesi əsasında hazırlanmış tamaşanın quruluşçu rejissoru Əməkdar incəsənət xadimi Mehriban Ələkbərzadə, quruluşçu rəssamı Vüsal Rəhim, bəstəkarı Xalq artisti Aygün Səmədzadə, plastik həllin müəllifi Ceyhun Dadaşov, rejissor assistenti Günel Səfərovadır. /azertag.az/

• Bu kitabı oxumaq üçün 200 milyon il lazımdır
• AKİ gənc rejissorlar üçün sənədli film təlimləri təşkil edir
• Van Damm insan alveri iddialarına cavab verdi