Kulis.az Qardaşxanın "Sənin üçün notlar" adlı yeni şeirini təqdim edir.
Ağacların rəhmi gəlir
kölgə salır yollara
Bir dəfə də sən qucaq aç
rəhm elə bu qollara
Külək çəmən güllərinin
ətrilə məni vurdu
Saçlarını dağıtsaydı
indi gör nə olardı
- Danimarkada zəhərli kitablar aşkar edilib
- Səni elə sevirəm, od kimi, atəş kimi - Rus şairin şeirləri Xanım İsmayılqızının tərcüməsində
- İçəridə həyat sıfır - ŞEİR
Kaş ki əlçatmaz arzutək
qəlbində kök salaydım
Səninlə birgə baş-başa
bir ömrü tək qalaydım
“Tək çarəm sənsən” deyənim
çarəm oldun o sözlə
O günkü göz yaşlarından
bir dalğadı dənizlər
O istilərdən sonra da
bu yağış olmalıydı
Ömrün qışında sevgidən
soyuq duş almalıydım
Qadında ikinci qəlbin
sən anlatdın yerini
Bu birini də verir o
verirsə o birini
