Bu yaxınlarda, qarşıdan gələn qurultayda AYB sədrliyinə namizədliyini verəcəyini açıqlayan gənc yazarlardan Fuad Cəfərli təhdid mesajı aldığını bildirib, amma adının açıqlamasını doğru saymır.
O, Kulis.az-a verdiyi açıqlamada bu mesajla bağlı AYB rəhbərliyindən şübhələndiyini bildirib:
“Mesajda yazılıb ki, biz sizə adekvat cavab verəcəyik. Ancaq mən yazanın kim olduğunu bilmirəm. Düşünürük ki, AYB-dən gəlib”.
Xatırladaq ki, namizəd olacağını bildirən üç gəncin - Tural Turan, Emil Rasimoğlu və Fuad Cəfərlinin fikirləri ədəbi camiədə böyük müzakirələrə səbəb olub. AYB katibləri Rəşad Məcid, Fikrət Qoca, eyni zamanda AYB sədri Anar məsələ ilə bağlı açıqlamalar veriblər.
