Kulis.az şair Haqqararın mərhum yazıçı Rafiq Tağının vəfatının ildönümünə həsr etdiyi şeiri təqdim edir.
Rafiq Tağısında uca millətim
qatilliyə enən cahillərin var
dalğasında qanad açan dənizin
ilan tək sürünən sahilləri var
dalğanın silləsi güllədən betər
tutur sahillərin qumlu üzünü
o yan bu yanı da sahillər olan
dəniz dalğa-dalğa döyür dizini
dənizin dibi də sahildir amma
bu sahil bənizdə olmaq istəmir
bu yastı yapalaq sahilə anam
adam heç dəniz də olmaq istəmir
