Nabokovun əsas tərcüməçilərindən biri vəfat edib.
Kulis.az rus mətbuatına istinadən xəbər verir ki, 70 yaşlı tərcüməçi və ədəbiyyatşünas Qennadi Barabtarlo fevralın 24-də ABŞ-da dünyadan köçüb.
Tərcüməçinin ölüm səbəbi bilinmir.
Qennadi Barabtarlo 1949-cu ildə Moskvada doğulub. Lomonosov Universitetində filologiya fakültəsini bitirib. Ədəbi fəaliyyətlə məşğul olub. 1979-cu ildə Amerikaya köçüb.
O, Nabokovun demək olar, bütün ingiliscə yazdığı mətnləri ruscaya çevirib. Eyni zamanda Qennadi Nabokov haqqında çox sayda kitabın, esselərin müəllifidir.
