Xalq artisti Tariyel Qasımov APA-nın “Əsrin yaşıdı” layihəsində müsahibə verib.
Kulis.az həmin müsahibədən bəzi hissələri təqdim edir:
- Cavanlıqda maşallah, yaman yaraşıqlı olmusunuz!
- Çox yaraşıqlı olmuşam! “Liftçi qız” filminə baxmısınız? Orda görürsünüz necə yaraşıqlıyam? O vaxtlar yeganə aktyor idim ki, qızlar mənə məktub yazırdı. – Üzünü qırxa-qırxa danışır. - Mən Gənc Tamaşaçılar Teatrının aktyoru olmuşam, ora məktəblilər çox gəlirdi. 300 qızdan sevgi məktubu almışam.
- O məktublar burdadır?
- Yox, rayona aparmışam.
- Nə əcəb yoldaşınız qısqanmır?
- Niyə qısqansın, gör nə vaxt yazılıb! İTV-də “Ötən günlər” verilişinə baxmısınız? Orada Mətanət İskəndərli dedi həmişə arzulayırdım ki, kaş Tariyel kimi ərim olaydı. Yoldaşım da yanımda oturmuşdu.
