100 illiyi münasibətilə Türk Ədəbiyyatı Vəqfi “Bəxtiyar Vahabzadə 100 yaşında” adlı xüsusi jurnal buraxıb.
Kulis.az xəbər verir ki, jurnal İmdad Avşarın giriş məqaləsi ilə açılır, tanınmış yazarların araşdırmaları və şairin şeirlərinin Türkiyə türkcəsində tərcümələri yer alır.
Bu nəşr həm Vahabzadə yaradıcılığının geniş təqdimatı, həm də yubileyinə layiqli bir ərməğandır.
Qeyd edək ki, Bəxtiyar Vahabzadə Azərbaycan poeziyasında fəlsəfi lirikanın və vətəndaşlıq ruhunun güclənməsinə töhfə verən, Türkiyədə də tanınan və sevilən şairdir. Onun “bir millət, iki dövlət” ifadəsi türk dünyası birliyinin simvoludur.
