"The Masked Singer" yarışmasının IX mövsümündə qalan iştirakçıların qibtə ilə baxdığı "Qızıl Maska” mükafatı bu gecə sahibini tapıb.
Kulis.az xarici mediaya istinadən xəbər verir ki, şou aparıcısı Nik Kannon və məşhur panelçilər Robin Tiki, Cenni Makkarti Uohlberq, Ken Yeonq və Nikol Şerzinqer üçün kifayət qədər həyəcanlı bir il olub.
Qeyd edək ki, bu gecəki şounun qalibi, "Medusa" olaraq maskalanan çoxşaxəli müğənni-bəstəkar Bişop Briqqs olub. İkinci yeri isə "Macaw" olaraq maskalanan yazıçı və müğənni David Arkuleta tutub.
