Fevralın 6-da Azərbaycan Dövlət Akademik Filarmoniyasında tanınmış koreyalı dirijor Jong-hun Bae ilk dəfə çıxış edəcək.
Filarmoniyadan Kulis.az-a bildirilib ki, Azərbaycan və rus bəstəkarlarının yaratdığı qiymətli əsərlər Q.Qarayev adına Azərbaycan Dövlət Kamera Orkestrinin müşayiəti ilə maestronun təfsirində səslənəcək.
Yüksək musiqi mədəniyyətinə malik olan Jong-hun Bae təkcə öz vətənində deyil, Asiya, Avropa və Şimali Amerikanın aparıcı orkestrləri, o cümlədən Tokio Simfonik Orkestri, Sankt-Peterburq Dövlət Akademik Simfonik Orkestri, Leypsiq Simfonik Orkestri, “Mixail Jora” adına Filarmoniyanın Simfonik Orkestri ilə dünyanın ən böyük səhnələrində çıxış edərək böyük dirijorluq məharətini nümayiş etdirib.
