Türkiyənin "Ötükən" nəşriyyatının jurnalı olan "Söğüt" dərgisinin 30-cu sayı çap olunub.
Kulis.az xəbər verir ki, jurnalın bu sayı Azərbaycanın Xalq yazıçısı, akademik Kamal Abdullaya həsr edilib.
Jurnalın baş redaktoru Sinan Terzi giriş məqaləsində Kamal Abdullanın yaradıcılığı barəsində geniş məlumat verib. Növbəti səhifələrdə Bahtiyar Aslanın Kamal Abdulla ilə geniş müsahibəsi, həmçinin, Rafiq Əliyev və Xalq şairi Ramiz Rövşənlə müsahibələri, Rəşad Məcidin, Nargis İsmailovanın, Muxtar İmanovun və Ali Duymazın məqalələri yer alıb.
