Azərbaycan Teatr Xadimlər İttifaqında yazıçı, dramaturq Əli Əmirlinin eyniadlı pyesi (iki hissəli epataj komediya) əsasında hazırlanan tamaşanın məşqləri davam edir.
Kulis.az xəbər verir ki, premyerası iyun ayının sonlarına nəzərdə tutulan səhnə əsərinin quruluşçu rejissoru Məhəmməd Verdizadə, bəstəkarı Gülnar Əlfiqızı, səhnə tərtibatçısı Zaur Abbasovdur.
Tamaşada aktyorlar Rəşad Səfərov, Günel Həmidova, Vüqar Məmmədəliyev, Əzizə Həşimova, Rəbillə Ələkbərzadə iştirak edirlər.
- “Kitab yazmışam, görəsən, harda çap etdirim?” sualı havada qalmayacaq” – Yeni nəşriyyat yaradıldı
- Eldar Quliyev "İstiqlal" ordeni ilə təltif olunub
- Amerikalı yazıçı Dostoyevskini təhqir etdi
Tamaşa çağdaş dövrdə yaşayan kişi və qadın münasibətlərindən, ailədaxili ziddiyyətlərin fonunda yaranan komik, həm də sürrel situasiyalardan bəhs edir. Həyat yoldaşı Emmanı itirən Cəmil onu başqa qadınlarda axtarmağa başlayır. Bu axtarışlar isə qəhrəmanı komik, anlaşılmaz vəziyyətlərlə üz-üzə qoyur.
Teatr Xadimlər İttifaqının böyük səhnəsində nümayiş olunacaq səhnə əsəri həm də tamaşada iştirak edən aktyorların benefisi hesab olunacaq.
