"Rusiya veteranları" ictimai hərəkatının üzvləri Filip Kirkorovun Rusiyada konsert verməsini qadağan etmək haqda çağırış edib.
Kulis.az xəbər verir ki, çağırışda "Kirkorov Rusiyaya sədaqətini sübut edənə qədər" konsert verməsinə qadağa qoyulması tələbi irəli sürülüb.
Qeyd edək ki, aktivistlər bu çağırışı ifaçı Nyu-Yorkda yəhudilərin toyunda çıxış edəndən sonra səsləndiriblər.
"Nə qədər ki, Filip Kirkorov Vətənimizə yeni qatılmış Donetskdə, Luqanskda, Mariupolda və Melitopolda konsert verməyəcək, hospitalları ziyarət etməyəcək və yaralı döyüşçülərimizə yardım etməyəcək, onun Rusiyada çıxışı qadağan edilməlidir!" - çağırışda deyilir.
