Müğənni Keti Perri San-Fransiskoda "Lifetimes" turu zamanı çıxışlarından birində çətin anlar yaşayıb.
Kulis.az xəbər verir ki, o, kəpənək formalı qurğunun üzərində havada hərəkətdə olarkən onun dayağı sınıb. "Kəpənək"lə birlikdə tamaşaçıların başı üzərində havada ilişib qalan müğənni ifasını da yarımçıq qoyub.
Daha sonra o, yaxşı olduğunu göstərmək üçün əlini qaldırıb və "Roar" mahnısını ifa etməyə davam edib. Bu hadisədən sonra qurğu yenidən hərəkət etməyə başlayıb.
