Bu yaxınlarda “Sən mənimləsənmi?” adlı kitab nəşr edən müəllif Kouri Riçinsi ərini öldürməkdə ittiham olunur.
Kulis.az xarici mediaya istinadən xəbər verir ki, araşdırmaya görə, Yuta ştatının Kamas şəhərindən olan 33 yaşlı Kouri Riçins əri Erik Riçinsinin içkisinə atdığı ölümcül dozada fentanillə onu zəhərləyib.
Müstəntiqlər bildiriblər ki, Erik 4 mart 2022-ci ildə vəfat edərkən bədənində fentanilin beş qat öldürücü dozası olub.
Kouri qətldə günahkar bilinərsə, o, ömürlük həbs və ya ölüm cəzası ilə üzləşə bilər.
