Azərbaycanlı aşıq, tambur ifaçısı Əfqan Rəhimov xəstəxanaya yerləşdirilib.
Kulis.az xəbər verir ki, bu barədə prodüser Samir Xəttab özünün Facebook səhifəsində paylaşım edib.
Bildirilib ki, o, 3 gün öncə yıxılıb və beyninə qan sızıb. Hazırda Balakən Rayon Mərkəzi Xəstəxanasında reanimasiyadadır.
Xatırladaq ki, Əfqan Rəhimov Balakəndə yaşayır. O, bir çox verilişlərdə qonaq olub, musiqi yarışlarında iştirak edib. Azərbaycan Aşıqlar Birliyinin üzvüdür.
