“Dünya Musiqisinin İncisi Muğam” Qeyri Hökumət Təşkilatı (QHT) təşkilatının, Yunus Əmrə İnstitutu və Beynəlxalq Muğam Mərkəzinin dəstəyi ilə bu ilin oktyabrında Beynəlxalq Muğam Mərkəzində “Aşıq Veysəl” gecəsi keçiriləcək.
Bu barədə Kulis.az-a “Dünya Musiqisinin İncisi Muğam” Qeyri Hökumət Təşkilatının rəhbəri Əməkdar artist Nuriyyə Hüseynova məlumat verib.
Onun sözlərinə görə, üç qurumun birgə təşkilatçılığı ilə baş tutacaq tədbirdə Türkiyənin məşhur ozanı Aşıq Veysəlin yaradıcılığına müraciət ediləcək, onun əsərləri ifa olunacaq.
