Mədəniyyət Nazirliyi Silahlı Qüvvələrə Yardım Fonduna vəsait ayırıb

Mədəniyyət Nazirliyi Silahlı Qüvvələrə Yardım Fonduna vəsait ayırıb
5 oktyabr 2020
# 17:51

Mədəniyyət Nazirliyi ölkəmizin ərazi bütövlüyü uğrunda mübarizə aparan Azərbaycan Ordusuna dəstək üçün Silahlı Qüvvələrə Yardım Fonduna Nazirliyin Mərkəzi Aparatının əməkdaşlarının könüllü iştirakı ilə vəsait ayırıb.

Mədəniyyət Nazirliyindən Kulis.az-a verilən məlumata görə, yardım vəsaiti 80 000 manat təşkil edir.

Xatırladaq ki, Azərbaycan Respublikasının Silahlı Qüvvələrinə Yardım Fondu ümummilli lider Heydər Əliyevin 2002-ci il 17 avqust tarixli Fərmanı ilə yaradılıb. Fondun əsas vəzifəsi Azərbaycan Respublikasının etibarlı müdafiəsi üçün Silahlı Qüvvələrin inkişafını və onun maddi-texniki bazasının möhkəmləndirilməsini, həmçinin hərbi qulluqçuların sosial müdafiəsinin daha da gücləndirilməsini təmin etməkdir.

Fondun əsasnaməsinə əsasən, Silahlı Qüvvələrin maddi-texniki və sosial bazasının möhkəmləndirilməsinə maliyyə köməyi məqsədilə Azərbaycan ərazisində fəaliyyət göstərən hüquqi və fiziki şəxslər könüllü ödəmələr həyata keçirə bilərlər.

# 1512 dəfə oxunub

Müəllifin son yazıları

#
#
# # #