Dövlət sifarişi ilə çəkilən “Üçüncü günün adamı” filminin rejissoru Babək Şirinsifət facebook statusunda filmin təqdimatını “Dəfn mərasimi” adlandırıb.
B.Şirinsifət Kulis.az-a açıqlamasında istehsalçıların filmin təqdimat vaxtını 4 dəfə dəyişdiklərini və ən uyğunsuz vaxtlara saldıqlarını söyləyib: “Onlar istəmirlər ki, filmi çox adam görsün. Çünki filmin istehsalçıları arasında rus kapitanı kimi adamlar var.”
Xatırladaq ki, “Üçüncü günün adamı” filmi ötən həftə jurnalistlər üçün nümayiş olunmuş və mətbuatda sərt tənqidlərə məruz qalmışdı.
