Kulis.Az Nazim Əhmədlinin “Bakı payızı” payızı şeirini təqdim edir.
belə payız olarmı,
yayın içinə girib;
belə bulud olarmı,
Ayın içinə girib;
belə yağış olarmı,
beş-onca damcısı var;
belə külək olarmı,
buz kimi qamçısı var;
belə baxış olarmı,
yanağı pörtdü, getdi;
çağırdım, dönə o qız,
üzünü örtdü, getdi;
belə görüş olarmı,
dilim-ağzım qurudu;
belə sevgi olarmı,
o qız evdə qarıdı;
belə ömür olarmı,
saçıma ağ gəlibdi;
belə payız olarmı,
yaman bivaxt gəlibdi.
