Kulis.az Hüseyn İsmayılın “Ən qısa hekayə” müsabiqəsinə göndərdiyi “Gecə söhbəti” (345 işarə) hekayəsini təqdim edir.
Özümlə tək qalan gecələrin birində qulağıma pıçıldayaraq soruşdu məndən:
- Onu MƏNdən çox sevmək üçün bir səbəb de.
- Səbəb yoxdur, dedim, birini sevmək üçün səbəb olmamalıdır. Bir baxırsan sevmisən. Səbəbsiz flansız.
- MƏNə xəyanət etdin, xəyanətlə yaranan sevgi məhv olar, dedi.
- Sənə xəyanət etmədim, səni tərk etdim, onu səndən çox sevdim, dedim.
O gecədən sonra “ÖZÜM”lə bu barədə bir daha danışmadıq.
