Kulis.Az Telman Bayramoğlunun “Ən qısa hekayə” müsabiqəsinə göndərdiyi “Qızıl diş” (490 işarə) hekayəsini təqdim edir.
Dostu məzarın üstündəki yaş torpağı qaydaya saldı.
-Gördün...Cənazəsini gətirməyə adam tapılmırdı.
Dinmədi.
-Aldın pulunu?
-Hə...
Səsi kədərliydi.
-Adama nə qədər düşdü?
Yumduğu ovcunu açdı.
-Bu nədir?
-Anası verdi.
Dostu heyrətləndi.
-Anası dedi ki, gözünün ağı-qarası oğlunu yetimçilikə böyüdüb.
Sonra əlavə etdi:
-Keçən ay müharibəyə gedəndə qızıl qapağın altındakı ağrıyan dişini çəkdirib. Mən gələnə qədər kimsəyə əyilmə.-deyib.-Çətin günündə bunu satarsan.
Təzəcə torpaqlanmış məzara boylandı.
-Həkim sonradan deyirmiş ki oğlanın dişi-zadı ağrımırmış...
