Kulis.az Nəzrin Məmmədlinin “Ən qısa hekayə” müsabiqəsinə göndərdiyi “Dua” (328 işarə) hekayəsini təqdim edir.
- Allahım, sənə yalvarıram, qoy o gəlsin, qoy mən yenidən gülüm, ağlayım, yaşayım, əzab çəkim, sevinim, kədərlənim, sevim, nifrət edim...
- Nəyin gəlməsi üçün dua edirsən?
- Bu hissləri keçirmək üçün nə gəlməlidir səncə?
- Mən hardan bilim? Sevgi, pul, övlad, nə bilim, çox şey ola bilər.
- Deyirsən, çox şey ola bilər....Duaların qəbul olanda anlayacaqsan ki, gəlməsini istədiyim nə idi.
