Sentyabrın 14-dən 17-dək Minskdə ənənəvi “TEFİ-Sodrujestvo” VII Beynəlxalq televiziya festivalı keçiriləcək.

Bakıdakı Rusiya İnformasiya və Mədəniyyət Mərkəzindən AZƏRTAC-a bildirilib ki, Azərbaycan bu il festivala iki filmlə qatılacaq. Bunlar “Azərbaycan Televiziya və Radio Verilişləri” Qapalı Səhmdar Cəmiyyətinin istehsalı olan SSRİ Xalq Artisti Müslim Maqomayevə həsr olunmuş “Bəstəkar Müslim Maqomayev” və İctimai Televiziya və Radio Yayımları Şirkətinin Azərbaycanın İvanovka kəndində yaşayan rusiyalı malakanların həyatına həsr etdiyi “Qərib olmayan, qürbətdəkilər” adlı sənədli filmlərdi.

“TEFİ-Sodrujestvo” VII Beynəlxalq televiziya festivalı Minskdə Belarus İnformasiya Nazirliyinin dəstəyi və “Rusiya Televiziya Akademiyası” və MDB ölkələri iştirakçılarının humanitar əməkdaşlığı üzrə dövlətlərarası fondlarının təşkilatçılığı ilə keçiriləcək.

“Sənədli film” mövzusu altında keçirilən festivalın əsas konkurs proqramına MDB-nin və digər 12 ölkədən 20 film daxil edilib. Azərbaycan, Belarus, Gürcüstan, Qazaxıstan, Litva, Moldova, Ermənistan, Rusiya, Tacikistan, Özbəkistan və Ukraynadan 19 teleradiokompaniya festivalda iştirak edəcək.

Qeyd edək ki, “TEFİ Sodrujestva” VII Beynəlxalq televiziya festivalı çərçivəsində rəsmi açılış mərasimi, filmlərin nümayişi və müzakirəsi, mütəxəssislərin iştirakı ilə ustad dərsləri, müasir jurnalistikanın aktual məsələlərinə dair “dəyirmi masa”lar, həmçinin festivalın laureatlarının mükafatlandırma mərasimi təşkil olunacaq.

• Dəniz Əsədovaya hökm oxundu: 6 ay...
• "Kardeş payı"nın aktyoru vəfat etdi
• Diplomlu taksi sürücüsü və armatur söhbəti - Babək Məmmədlinin hekayəsi haqqında