Ukraynanın Kino məsələləri üzrə Dövlət Agentliyinin təşkilatçılığı ilə keçirilən kinolayihələr müsabiqəsində ölkəmizi təmsil edən “Alagöz” layihəsi finala düşüb.

Kulis.az xəbər verir ki, layihə müsabiqəyə təqdim olunan 16 ssenari arasından seçilərək 6 qalib layhənin biri olub.

Cinex kino şirkətinin məlumatına görə, “Alagöz” layihəsi Ukraynanın Kino Məsələləri üzrə Dövlət Agentliyinin təşkilatçılığı ilə pitçinqdə ən çox bal toplayıb.

Finalçı filmlərin təqdimatını qiymətləndirən altı ekspertdən üçü Azərbaycan layihəsinə maksimum bal verib.
Qeyd edək ki, layihə prodüser və rejissor Mariya İbrahimova ilə birlikdə Ukraynadan olan prodüser Olqa Matat tərəfindən təqdim edilib.

Xatırladaq ki, “Alagöz” layihəsi Portuqaliyanın FEST New Directors/New Films festivalında da qalib gəlmiş, Odessa Beynəlxalq Film Festivalında təqdim edilmiş və Berlin Film Festivalının co-Production Market Talents bölməsində iştirak etmək üçün seçilmişdi.

Bundan başqa, Azərbaycan Kinematoqrafçılar İttifaqının təşkilatçılığı ilə keçirilən “Qarabağ. İnsan. Qələbə” ssenari müsabiqəsində də qalib gəlmişdi.

• "Yuğ"un aktyoru: "Bu, artıq mənim son həddim idi"
• Həsən Kür xəstəxanadan evə buraxılıb: yeriyə bilmir, yaddaş pozuntusu var...
• AKİ: “Məktəblərdə nümayiş”