Kulis.az dahi insnaların qeyri-adi xüsusiyyətlərini diqqətinizə çatdırır.

Eynşteyn

İşləyərkən saçlarını kəsdirmir, mümkün qədər az yatır, yeməyini işləyə-işləyə yazıların arasında yeyirdi. Ən vacib iclaslara gedəndə bir-birinə uyğun gəlməyən rəngli paltarlar geyinirdi.

Edison

Yuxunun düşməniydi. Yuxuda keçirilən zamanı itki hesab edirdi. Gün ərzində bir, ya iki saat yatırdı.

Bethoven

Tərs və əsəbi adam idi. Yanında işləyənlərə və yaxınlarına çox kobud davranır, söyüş söyürdü. Uzun zaman işləyəndən sonra bir vedrə buzlu suyu başından tökər və təkrar işləməyə başlayardı.

Leonardo Da Vinçi

Həddindən çox sahələrlə maraqlanırdı və məşğul olurdu. Davamlı səyahətlərə çıxır, müxtəlif sahələrlə bağlı araşdırmalar aparırdı.

Çarlz Dikkens

Masasında təzə çiçəklər, üstünə mis dovşan qoyulmuş təmiz kağızlar və döyüşən iki qurbağa heykəlciyi olmasa işləyə bilmirdi.

Lui Armstronq

Dahi cazmenin həyatı konsertlərdə və səfərlərdə keçib. O, məşqə heç cür vaxt tapa bilmirdi və konsertlərinə ard-arda çıxırdı. Demək olar, məşqi də, ifanı da eyni vaxtda - səhnədə, tamaşaçı qarşısında edirdi.

Səməd Vurğun

Şeir və poema yazarkən rəsmi geyinir, qalstuk taxırdı.

Səttar Bəhlulzadə

Dərviş kimi sərgərdan həyat sürür, bəzən küçədə yatırdı.

• İnsanın təbiətdə yox, tarixdə yaşadığını bilmək lazımdır - Nigar Safura
• Məşhur azərbaycanlı reper narkotik və oğurluğa görə saxlanıldı
• Maykl Bolton beyin şişi əməliyyatından sonra çıxış edə bilməyəcək