Polkovnikə mən yazıram - Gənc şair şəhid pilota şeir həsr etdi

Polkovnikə mən yazıram - Gənc şair şəhid pilota şeir həsr etdi
26 avqust 2019
# 09:32

Kulis.az “Günün şeiri” rubrikasından şair Elşən Mehdinin şəhid pilotumuz, polkovnik-leytenant Rəşad Atakişiyevə həsr etdiyi “Polkovnikə mən yazıram” şeirini təqdim edir.

Göyün qapısında növbə var.
Göylər yerdən dərindi.
Yüksəklikdən qorxmamaq daha ürpədicidi, qorxmaq yox
İnsan torpağındı, yerindi.
Polkovnikə uzaq bir yerdən yazıram

Səma ildırım barmaqlarını şaqqıldadanda,
Eyni dildə qorxurlar
Quşlar və pilotlar.
Biri qanadlarını, biri çiyinlərini çəkər...
Çiynindəki ulduzlar göydəki ulduzların əksi
Gözləri səmavi göylərə baxmaqdan mavi.
Polkovnikə göylərdən yazıram

Üfüqdə iki göyərçin
qanadlarıyla "x" işarə edir göylərçün,
Yer yoxdu
Göyün qapısında növbə var deyir.
Uşaqlar ölümdən anlamaz
Onların oyuncaq təyyarələri qırılsa da
şirəli barmaqlarının arasında uçar,
Səmadasa qəzalar bağışlanılmaz
Polkovnikə qədərdən yazıram.

Bir gün çərpələngə aşiq olar yaşlı qağayı
Uçmağını gözləyər,
çərpələngsə uçmaz
tir-tir əsib qalar bu sevdaya
Hə, bu nə yerdəki məftil sərhəddi, nə də divar
Göyün qapısında növbə var
Bu da iki dünya arasında yol ayrıcı
Şəkillərinə son dəfə baxdım,
Sinəndə qırıcı yazılmışdı, qırıcı

Polkovnikə mən yazıram.
Pəncərəmdən yazıram
Üzü göylərə.

# 2833 dəfə oxunub

Oxşar xəbərlər

Uşaqlar hələ də nağıllara inanırmı? - Nuran Yaqub

Uşaqlar hələ də nağıllara inanırmı? - Nuran Yaqub

10:30 2 iyun 2025
Molla onun əlyazmalarını niyə oğurlamışdı? - Ədəbiyyatımızın kədərli dəqiqələri

Molla onun əlyazmalarını niyə oğurlamışdı? - Ədəbiyyatımızın kədərli dəqiqələri

09:00 30 may 2025
Epos miqyası və magiyası ilə - Elnarə Akimova

Epos miqyası və magiyası ilə - Elnarə Akimova

11:51 28 may 2025
"Bu hekayədə ədəbiyyat adına heç nə yoxdur!" - Müzakirə

"Bu hekayədə ədəbiyyat adına heç nə yoxdur!" - Müzakirə

12:00 27 may 2025
"Onunla dostluq anlayana başucalığı gətirər" - Kamal Abdulla

"Onunla dostluq anlayana başucalığı gətirər" - Kamal Abdulla

18:04 24 may 2025
Rayondan gəlmiş biri "şəhər romanı" yaza bilərmi? - Nuran Yaqub

Rayondan gəlmiş biri "şəhər romanı" yaza bilərmi? - Nuran Yaqub

13:47 23 may 2025
# # #