Niderland İctimai Yayım Fondu ölkənin "Avroviziya 2027" mahnı müsabiqəsində iştirak etməsi ilə bağlı qərarını yenidən nəzərdən keçirib.
Kulis.az xəbər verir ki, bu barədə “The Telegraaf” nəşri məlumat yayıb.
Bildirilib ki, fond sentyabrda qəbul etdiyi qərarı geri götürüb. Həmin vaxt təşkilat birtərəfli qaydada Niderlandın müsabiqədə iştirak edəcəyini və Bolqarıstana nümayəndə göndərəcəyini açıqlamışdı. Lakin 13 yayım şirkətindən heç biri bu qərarı dəstəkləmədiyi üçün fond tənqidlərlə üzləşib.
2026-cı ilin avqustunda Niderlandın AVROTROS teleşirkəti “Avroviziya-2027” üçün ifaçı seçməkdən imtina edib. Şirkət bundan əvvəl də İsrailin müsabiqədə iştirakı ətrafında yaranan qalmaqala görə 2026-cı il yarışmasını boykot etmişdi.
İddialara görə, tele-radio yayımında çalışan təxminən 400 nəfər fondun qərarını kəskin tənqid edən məktuba imza ataraq onun ləğvini tələb edib.
"Avroviziya 2027" mahnı müsabiqəsinin Bolqarıstanın Burqas şəhərində keçirilməsi planlaşdırılır. Yarımfinalların mayın 11-də və 13-də, finalın isə mayın 15-də baş tutacağı gözlənilir.
Xatırladaq ki, daha əvvəl Çexiya maliyyə çatışmazlığı səbəbindən "Avroviziya 2027"də iştirakdan imtina edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər