Dünyanın ən böyük şeir portalı Lyrikline dünyanın ən çox oxunan şairlərini və şeirlərini açıqlayıb.
Kulis.az-ın türk mətbuatına istinadən verdiyi xəbərə görə, 179 ölkədən oxucusu olan sayt 2018-ci ilin iyulu və 2019-cu ilin may ayı arasında olan zamanın statistikasını təqdim edib.
Bu statistikaya görə ən çox şeir oxuyan ölkələr bu ardıcıllıqla sıralanır: Almaniya, ABD, Türkiyə, Böyük Britaniya, Serbiya, Avstriya, İspaniya, İsveçrə, Rusiya, Fransa. Ən az şeir oxunan ölkə isə Burundi Respublikası olub.
Dünyanın ən çox oxunan şeiri statistikasında isə, türk şairi Orxan Vəlinin “Anlatamıyorum” şeiri ikinci olub.
1999-cu ildən bəri yayımlanan Lyrikline bu il 20 yaşını qeyd edir. Saytda 1375 şairin 84 dildə 12312 şeiri, 1805 tərcüməsi və şairlərin öz səsindən şeir oxumaları yerləşdirilib. Berlin Şeir evinin hazırladığı Lyrikline hər il İyulda baş tutan Berlin şeir festivalında redaktorlarını toplayaraq illik statistikanı açıqlayır. Ötən il ən çox oxunan şeir Herman Hessenin “Stufan” şeiri idi.
Qeyd edək ki, portalda Azərbaycana bütün qonşu ölkələr- Gürcüstan, Ermənistan, Rusiya, İran - təmsil olunsa da Azərbaycan siyahıda yoxdur.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
