Azərbaycanın Xalq yazıçısı, qeyri-adi istedadı və ədəbi dili ilə yeni ədəbi nəslin yetişməsində böyük rol oynayan İsa Hüseynov bu gecə 86 yaşında dünyasını dəyişib.

Neçə illərdir ki, xəstəliklərdən əziyyət çəkən yazarımız 1928-ci ildə Ağstafa rayonunun Muğanlı kəndində doğulub. Gülməmməd Hüseynov İsa Muğannanın bibisi oğludur. Balaca ikən atası vəfat etdiyinə görə dayısı Mustafa kişinin evinə, İsagilə köçməli olur. Uşaqkən onu tutulduğu qatdalax xəstəliyindən xilas edən Vidadi isə görkəmli yaçımız Vidadi Babanlıdır. Muğanlı kəndinin 1 nömrəli təqdimatçısı olan İsa əfəndi atasının dərs dediyi bu məktəbdə oxuyub.

Yaşıdları deyir ki, uşaq vaxtı hamı ona İsa əfəndi deyirdi. Bunun səbəbi isə İsanın, adını götürdüyü əmisinə Türkiyə ordusunda xidmət edərkən Atatürkün belə müraciət etməsi olub. Onada əmisi kimi İsa əfəndi deyiblər. Bu günsə onlar, əfəndilərini, ağsaqqallarını itirdilər. Lakin bu məktəbdə oxuyan uşaqların İsa Əfəndi haqqında dedikləri onun unudulmayacağını göstərdi. İsa Hüseynov ədəbi fəaliyyətə 1949-cu ildə "İnqilab və Mədəniyyət" qəzetində çap edilən "Ana dil oxuyan yerdə" yazısı ilə başlayıb. Onun "Yanar ürək", "Məhşər", "İdeal" və s. romanları Azərbaycan ədəbiyyatının ən gözəl nümunələrindəndir. Ötən gün axşam vəfat edən Muğanna qızı Sevincin sözlərinə görə birinci fəxri xiyabanda dəfn olunacaq. Böyük ədibin bir müddət öncə “TTV xəbər”ə verdiyi ekskuliziv müsahibəsindən kiçik bir hissəni diqqətinizə çatdırırıq.

turkeltv.az

• Flora Kərimovanın səsi batdı
• Deputat: "Ermənilər xristian olsa da, Qarabağdakı xristian abidələrinə hörmət qoymayıb"
• "Noa" qəbiləsinin qadınları - Fəridənin hekayəsi