Dünən Qafqaz Universitetində Mirmehdi Ağaoğlunun “Bu gün səbr elə” kitabının müzakirəsi keçirilib. Kulisin verdiyi məlumata görə görüşdə Qafqaz Universitetinin tələbə və müəllim heyəti iştirak edib.
Görüşün təşkilatçıları universitetin Ədəbiyyat və Kitab dərnəyidir.
Tədbiri giriş sözü ilə açan Ülvi Babasoy universitetdə müasir Azərbaycan ədəbiyyatının öyrənilməsindən, tələbələrin müasir yazarlara marağından bəhs edib O, qeyd edib ki, əvvəllər Əkrəm Əylisli, Anar və başqa yazıçılarla belə görüşlər olsa da gənc yazarlarla görüş ilk dəfə baş tutur. Belə görüşlərin davamlı olmasına çalışacaqlar.
Tədbirdə iştirak edən şair Fərid Hüseyn universitetlərdə bu cür tədbirlərinin keçirilməsinin təqdirəlayiq olduğunu bildirib. O, qeyd edib ki, kitaba laqeyd münasibətin olduğu belə bir dövrdə tələbələrin həvəslə müasir yazıçıları oxuması, onların əsərlərini müzakirəyə çıxarması alqışa layiqdir.
Mirmehdi Ağaoğlu çıxış edərək tədbirin təşkilatçılarına təşəkkürünü bildirib, “Bu gün səbr elə” romanının yazılmasından danışıb. Yazıçı daha sonra tələbələrin suallarını cavablandırıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
