Kulis.az Mikayıl Müşfiqin “Mənim könlüm deyir ki...” şeirini təqdim edir.

Mənim könlüm deyir ki,

Hələ bunlar nədir ki...

• Yaqub Zurufçu kimdir?
• "Sihirli annem" filmə çevrilir
• "Fransa Kino Günləri" keçiriləcək

Böyük günlər, şanlı günlər, şən günlər,

Yoluna düşən günlər

Hələ qarşımızdadır!

Hələ bunlar nədir ki...

Mənim könlüm deyir ki,

Həyat ondan küsənləri incidər

Möhkəm dəzgah, şirin əmək, inci tər

Hələ qarşımızdadır!

Babam derdi: "Keçən günə gün çatmaz!"

Mənim könlüm bu sözlərə heç yatmaz.

O düşünüb deyir ki,

Hələ bunlar nədir ki...

Ay işığı, dolu ürək, yaşıl bağ,

Qızğın günəş, sərin çeşmə, qarlı dağ

Hələ qarşımızdadır!

• Yaqub Zurufçu kimdir?
• "Sihirli annem" filmə çevrilir
• "Fransa Kino Günləri" keçiriləcək