Bəxtiyar Vahabzadənin 20 Yanvarda öldürülən Larisaya şeiri

Bəxtiyar Vahabzadənin 20 Yanvarda öldürülən Larisaya şeiri
20 yanvar 2015
# 10:43

Kulis.az Xalq şairi Bəxtiyar Vahabzadənin 20 Yanvar şəhidi Larisa Məmmədovaya yazdığı şeiri təqdim edir.

On üç yaşlı körpə bala,

Yazıq anan necə dözsün

Bu kədərə, bu məlala?

Məzarının baş ucunda kuklan da var.

Bu gün layla çalmalıykən sən kuklana

Kuklan sənə laylay çalar.

Sən özün də kukla idin.

Bu dünyanın əvvəlini, axırını

Heç bilmədin.

Kim kuklaya güllə atar?

Atan oldu.

İnsanlığı, mərhəməti,

Ədaləti, həqiqəti

Bir qərəzə satan oldu.

Anan asmış dərs çantanı,

Məzarının baş daşına.

Axı, niyə hay vermirsən.

Səni dərsə haraylayan yoldaşına?

Sənin adın dostlarının dil əzbəri.

Qızım, axı səni gözlər çoxdan bəri

Açmadığın kitabların, dəftərlərin,

Səni gözlər partandakı o boş yerin.

Nə bərk oldu yuxun sənin?

Ataların ah-naləsi,

Anaların şivən səsi

Sığmır göyə, sığmır yerə.

Söylə, niyə oyanmadın

Bu haraya, bu həşirə?

Övladıydın iki xalqın.

Bu dostluğa mən uydum, sən də uydun.

Sən dostluğun simvoluydun.

Bunudamı bu gün bizə çox gördülər?

Elə bil ki, səninlə bir

Bu dostluğu öldürdülər

# 25270 dəfə oxunub

Oxşar xəbərlər

Bir qrup şair var ki... - Şair xanımları bacı kimi sevənlər

Bir qrup şair var ki... - Şair xanımları bacı kimi sevənlər

17:30 28 aprel 2025
Gizli tapşırıq: “Boynuna qoyana qədər döyün!”

Gizli tapşırıq: “Boynuna qoyana qədər döyün!”

09:00 28 aprel 2025
Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
# # #