Kulis.Az internet dərgisinin üç yaşı tamam olur. Jurnal mədəniyyət sahəsində milli və bəşəri proseslərin bütün çalarlarını Azərbaycan oxucusuna təqdim edir.
Dərginin baş redaktoru Qan Turalı deyir ki, dərgidə mədəniyyətin müxtəlif sahələrinə, o cümlədən ədəbiyyat, teatr, kino eləcə də televiziya haqqında analitik yazılar çap edilir. Oxucular burda eyni zamanda Azərbaycanda, eləcədə dünyada gedən mədəni proseslər, ədəbiyyat hadisələri, kinoda, teatrda baş verən yeniliklərlə tanış ola bilirlər.
Kulis.Az Lent.az saytının mədəniyyət layihəsi kimi 2011-ci ilin aprel ayının 4 - dən fəaliyyət göstərir.
Dərgini təbrik edən Lent.az İnformasiya Agentliyinin baş direktoru
Qabil Abbasoğlu bildirib ki, dərgi az müddət ərzində geniş oxucu kütləsi toplayıb.
Azərbaycanın tanınmış qələm sahiblərinin böyük əksəriyyəti ilə yanaşı, yeni yazarlara da öz səhifələrində yer ayıran dərgi ancaq internetdə yayımlanır və hər gün yenilənir.
Həmkarlarımızı təbrik edir, onlara yaradıcılıq uğurları arzulayırıq.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
