Kulis.az Furqan Sadiqin “Ən qısa hekayə” müsabiqəsinə göndərdiyi “Sümük” (470 işarə) hekayəsini təqdim edir.
Qonşu həyətdə qışqıran Rəşid, ağlayan isə Zöhrə arvaddı.
Həmişə belə olurdu: pulu qurtaran narkoman oğul yapışırdı anasının boğazından. Çox vaxt Zöhrə arvadda da pul olmurdu və o döyülürdü. Bu dəfə də...
Yelləncəkdə nəvəsini yelləyən İsmayıl kişi qonşu həyətdən gələn bu qışqırıq səsini eşitcək:
- Sümük olub qalıb anasının boğazında namussuz!-dedi qəzəblə...
Keçən il kobud şəhadət barmağıyla boğazında qalmış sümüyü çıxaran çöpçü qarını xatırladı uşaq. Ağladığını da xatırladı.
Və fikirləşdi ki, adam öz anasının boğazında necə qalır, görəsən?!
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
