Kulis.Az Sara Selcanın “Özgəcanın Tanrıya sualı” şeirini təqdim edir.
Niyə kişini qadından “güclü” yaratdın?
Niyə qadın oldu kişinin qabırğası?
İstər Şərqində, istər Qərbində,
Istər Amerikalısı olsun,
Istər Afrikalısı
Qadın həmişə məğlub,
Həmişə basılan.
-Qız uşağı kəsikdi,
Çörəyi itikdir !
kəlməsiylə böyüyən,
Taleyi qara qələmlə yazılan
qız uşaqları yekəldilər,
Böyümədilər amma ...
Deyirdilərlər Tanrı sevir qız uşaqlarını,
Bəs hanı?
Bəs hanı???
Qadın kişi əllərində ölür.
Kimdir bu kişilər?
Edam kötüyümü,
Dar ağacımı,
Ya yeddi arşınlıq quyu.
Atalar, qardaşlar, ərlər-
Ən doğması belə
ən yaxşı halda döyməklə
qoruyar,
ən pisi
öldürməklə
Qadını...
(anasını, bacısını)...
Tanrı, niyə kişini qadından üstün yaratdın?
Yoxmu sənə dəxli,
Min illərdir köhnəlmir, bitmir
Qadının kişi əllərində qətli...
İnanmışdım Tanrı sevir qız uşaqlarını,
Yerdə qoymur uzunsaçlının ahını..
Bəs hanı?
Niyə kişini qadından “güclü” yaratdın?
Niyə qadın oldu kişinin qabırğası?
Özgəcan, mütləq ver Tanrıya bu sualı.
Mütləq.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
