Kulis.az Xalq şairi Nəriman Həsənzadə ilə karantinlə bağlı qısa müsahibəni təqdim edir.

- Karantin günlərini necə keçirirsiz?

- Necə göstəriş veriblər, elə də keçirdirəm.

- Özünüzü necə qoruyursunuz? Əllərinizi yuyursuz?

- Təbii ki, tez-tez əllərimi yuyuram. Ayrı cür yaşamaq mümkün deyil.

- Küçəyə çıxırsız?

- Xeyr.

- Spirtdən istifadə edirsiz?

- Əlbəttə.

- Qohumlarla görüşürsüz? Qonaq qəbul edirsiz?

- Heç kim gəlmir. Heç yerə də getmirəm. Qaydalara əməl edirəm. Bu gün Azərbaycanda çox yaxşı tədbirlər görülür. Xaricdən dostlarım zəng edir mənə. Deyirlər, heç Avropa Azərbaycanın gördüyü işləri edə bilmir.

- Evdə hansı kitabları oxuyursunuz?

- Kitablarsız yaşaya bilərikmi?!

- Karantin günləri yaradıcı adamlar üçün fürsət oldu...

- Ağır xəbərlər olan yerdə fürsət deyə bilmərik. Bir var rahatlıq ola, bir də var fürsət ola işləyəsən. Televizyadan, ordan-burdan ölüm xəbərləri gələndə şairə pis təsir edir. Hamımıza, eləcə də mənə.

- Sizcə bu nə bəladır?

- Mən də sizin kimi, bilmirəm. Allah köməyimiz olsun. Görək vəziyyət hara gedir.

- Yaradıcılıqla məşğul olursunuz?

- Bəli, oluram.

- Nələr yazırsız?

- Əsərlər üzərində işləyirəm. Şeirlərim var, onları yazıram. Başqaları fərqində olmaya bilər, yaradıcı adam necədi? İmkan olanda işləyəcək, mütaliə edəcək. Mən yaşlı nəslin nümayəndəsiyəm. Çalışmalıyam küçəyə çıxmayım.

- Bəs ehtiyaclarınızı necə ödəyirsiniz? Mağaza, aptek və s.

- Kömək edənlər var.

- Sizcə, bu məsələlər nə vaxt bitəcək? Proqnozunuz var?

- Hər şeyin sonu var. Elə şey yoxdu ki, onun axırı olmasın. Amma konkret proqnozu verə bilmirəm. Gərək, bu proqnozu mütəxəssislər versin.

• Odun dili, suyun yaddaşı, torpağın nəfəsi... - İlaxır çərşənbə adətləri
• Sloveniyanın RTV telekanalı Bakıda Mehdi Hüseynzadə haqqında film çəkəcək
• Maddi və ruhani dəyərlər arasındakı ziddiyyət - "Taxma kirpiklər" haqqında