Bu istilərdə kulisə girib bu yazını açdığınız üçün əvvəlcə təşəkkürlər...
Düzü, bu yazını yazmaqda bircə məqsədim var: bir az sərinləmək.
Bəlkə siz də sərinləyərsiniz...
“Just for laugh” süjetlərində dəfələrlə eyni mövzuya müraciət olunub: açıb-saçıq geyinən, bəzən tamamilə çılpaq olan qadınlara qarşı kişilərin acgözlüyü.
Açığı, bu tipli süjetlər nə qədər gülməli olsa belə mən buna gülə bilmirəm.
Dil qüsuru olan adamın kəkələməsinə gülmək olarmı?
Bu onun qüsurudur.
Eləcə də qadınlara qarşı kişilərin ehtirası doğumdan gələn bir qüsurdur.
Freyd bu ehtiras enerjisini, bu libidonu insan fəaliyyətinin əsas mənbəyi sayırdı.
Ateist Freyddən inanc etibarı ilə fərqli sufilər də insanın kamilləşməsində Freyddən ayrı cür düşünmürdülər, insanın kamilləşməsinin yolunu cinsi enerjinin öldürülməsindən keçdiyini deyirdilər.
Bunun üçün qadını günah bilirdi, qadın sözünü belə tələffüz etmir, əvəzinə uzunsaçlı deyir, Allaha hər namazdan sonra “İlahi, bizi qadın şərrindən qoru” deyə dua edir, evlənmir, qadınlardan hər zaman uzaq qaçırdılar.
Bu cür həyatın onları kamilləşdirdiyinə inanırdılar.
Keçən həftə “Hürriyyət” qəzetində Mehmet Yılmaz Şener Şenə istinadla mərhum bir rejissorun fikrini yazdı: “Qadınlarla sən demə danışmaq da olarmış, artıq xoşbəxtəm”.
Rejissor bu fikri qoca yaşlarında, danışmaqdan başqa əlindən bir iş gəlmədiyi vaxtlarında deyib.
Bəs biz kişilər xoşbəxt olmağın bu yolunu heç sınadıqmı?
Yox, qocalığı gözləməyə dəyməz.
Sədi Şirazidən bir az kobus səslənən bir cümlə deyəcəm: “İşdən düşmüş qoca fahişə tövbə etməyib neyləsin?”
İşdən düşənə qədər bu qüsurumuzla mübarizə aparmaq daha yaxşısı deyilmi?
Bəlkə də kişilər bu qüsurla gözəldir.
Gözüyaşlı sevgililəri, dağınıq yataqları, daşa dəymiş sevgiləri, hər “qüsur”dan sonra evliliyinizdən, sevginizdən düşən kərpicləri saymasaq...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Onu “Beş dəqiqəlik yol”da necə sevmişəmsə..." - Yaşar Rzayevin Vəlisi ilə Anarın Kəbirlinskisini qoşalaşdıran nədir?
09:00
11 avqust 2025
"Buna Azərbaycan dilində yazılmış mətn deməyə adam çətinlik çəkir..." - Abbasqulu ağa Bakıxanov niyə ərəb-fars tərkibləri ilə yazırdı?
12:15
8 avqust 2025
Yar yaraya çevriləndə... - Müşfiqin illüziyadan gerçəkliyə sərt keçidi
09:00
8 avqust 2025
Xalq yazıçısı Anar: "Elçin bu sirri özüylə apardı..."
12:10
7 avqust 2025
"O tozu bir oxucu kimi boğazımda hiss edirəm..." - Firəngiz niyə Məhərrəmə ərə getməyə razı olur?
09:00
7 avqust 2025
"Özünü bakılılara bənzətmək cəhdi..." - Rayon yerində kitab dili ilə danışanları niyə ələ salırdılar?
16:00
6 avqust 2025
