Səhər işə gələndə bu yazımın ilk cümlələrini yazırdım.
Qarşıma bir rus qadını çıxdı, yol dar idi.
Pilləkənlərin üstünə çıxıb ona yol verdim, qadın dar yolu keçib getdi.
Nə düşündüsə, bir neçə addım sonra arxaya dönüb dedi:
“Neçə ildir ilk dəfə görürəm ki, bir bakılı yol verir mənə”.
Beynimdəki yazını oxumuşdu sanki.
Metroda Vahid Qazının Ağdam haqda olan “Ruhlar şəhəri”ni oxuyurdum.
Azərbaycanın şəhərlərini çox sevirəm.
Bir də kəndlərini.
Rayon mərkəzləri yad gəlir mənə.
Bir zamanlar Ağdam deyə bir şəhər varmış.
Orda uşaqlar yaşayırmış, hokkeyçi Xarlamovu tanıyan, “Futbol və xokkey” oxuyan.
Bethoveni dinləyən, futbol oynayan uşaqlar vardı.
İndi nə var?
Xarabalıqlar, ruhlar şəhəri...
Yuxularda görülən bir şəhər...
Demək, şəhərimiz çox imiş.
Doğulduğum şəhər də mən uşaq olanda bu cür şəhər idi.
Ağdam kimi işğal olunmadı, amma cəhalət, nadanlıq işğal etdi onu.
Mən hibrid ziyalılar kimi rus, erməni, yəhudi xiffəti çəkmirəm.
Sadəcə, bir şəhər istəyirəm.
Uşaqların futbol oynadığı, hokkeyə baxdığı, basketboldan danışdığı, kitabxanadan kitab aldığı, skripka çaldıqları bir şəhər...
Məgər bu çoxdur?
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Kor-koranə heyranlıq tarixin saxtalaşdırılmasına yol açır..."- Etimad Başkeçid
15:45
7 avqust 2026
Eliotla dostluq etdi, Freyd onunla şəxsən tanış olmaq istədi... - Pulitser mükafatlı kölgədə qalan "kosmik şair"
12:00
5 avqust 2026
Pasifist mövqeli Dante aşiqi - Onu niyə "macar modernizminin beyni" adlandırırdılar?
12:30
4 avqust 2026
Eyni yuxunu görən Nəriman Həsənzadə və Şahmar Əkbərzadə - Hansı el şairi ona buta vermişdi?
15:30
1 avqust 2026
"Mütəxəssislərin sözü eşidilmir, ictimai qınaq kar eləmir…" - Bu işə kim əncam çəkəcək?
16:30
31 iyul 2026
Həqiqətənmi kitabın rəqibi sosial şəbəkələrdir? - Mətanət Vahid
11:00
30 iyul 2026
