TikTok LIVE bu gün real vaxt yaradıcılığının mərkəzi kimi çıxış edir — burada yaradıcılar və icmalar səmimi anlarda bir araya gələrək yeni ideyalar kəşf edir, qarşılıqlı əlaqə qurur və güclü bağlar formalaşdırır. Bu interaktiv mühit hər kəsə özünü ifadə etmək, auditoriya ilə birbaşa əlaqə yaratmaq və yaradıcılığını inkişaf etdirmək üçün əlçatan imkanlar təqdim edir.

Məhz bu dinamik mühitdə formalaşan hekayələrdən biri də LIVE yayımları ilə izləyicilərlə real vaxtda əlaqə quran, şeiri müasir və təsirli formatda təqdim edən Sahil Rzayevə aiddir. Onun yaradıcılığı göstərir ki, səmimi ifadə və güclü əlaqə qurmaq bacarığı TikTok LIVE vasitəsilə daha geniş auditoriyaya çataraq yeni imkanlar yaradır. Bu barədə daha ətraflı onun özü ilə söhbət etdik.

Sahil Rzayev kimdir və yaradıcılıq yolunuz necə başlamışdır?

Mən, Sahil Rzayev, hisslərini sözlə ifadə edən insanlardanam. Uşaqlıqdan daxilimdə olanları yazmaq mənim üçün bir çıxış yolu idi. Zaman keçdikcə bu yazılar şeirə çevrildi. Bu gün yazmaq mənim üçün sadəcə hobbi deyil, düşünmək və hiss etmək formasıdır. Yazdıqlarımı insanlarla bölüşmək isə bu yolun ən dəyərli hissəsidir.

TikTok Live-a gəlişiniz necə oldu? Motivasiyanız nə idi?

Müşahidə edirdim ki, insanlar daha səmimi və canlı ünsiyyət axtarır. Mən də düşündüm ki, şeiri sadəcə paylaşmaq yox, onu hiss etdirərək təqdim etmək daha təsirli olar. TikTok Live bu baxımdan mənə ideal imkan verdi. Əsas motivasiyam isə insanların öz hekayələrində mənim sözlərimdən bir parça tapmasına səbəb olmaq idi.

Canlı yayım formatını seçməyinizə nə ilham verdi?

Canlı yayımın ən böyük üstünlüyü onun real olmasıdır. Burada filtr yoxdur, hər şey olduğu kimidir. Bu format mənə auditoriya ilə birbaşa əlaqə qurmaq imkanı verir. İnsanların reaksiyasını anında hiss etmək və eyni emosiyanı paylaşmaq yaradıcılığımı daha da gücləndirir.

Şeiri canlı yayımda təqdim etmək ideyası necə yarandı?

Mənə görə şeirin təkcə mətni yox, həm də səsi var. Onu intonasiya və hisslərlə təqdim etdikdə təsiri daha güclü olur. Canlı yayımda şeiri oxumaq ideyası da buradan yarandı – şeiri yaşatmaq. Bu zaman izləyici sadəcə dinləyici yox, həm də prosesin bir hissəsinə çevrilir.

Öz şeirlərinizlə digər şairlərin əsərlərini necə balanslaşdırırsınız?

Öz şeirlərim mənim daxili dünyamdır, amma digər şairlərin əsərləri də mənə böyük təsir edib. Canlı yayımlarda hər ikisini paylaşaraq auditoriyaya daha geniş ədəbi baxış təqdim etməyə çalışıram. Bu həm də ədəbiyyata olan hörmətimin göstəricisidir.

İlhamınızı haradan alırsınız?

İlham həyatın özündən gəlir. İnsanlardan, onların yaşadıqlarından, xatirələrdən. Həmçinin canlı yayımlarda izləyicilərin yazdıqları da mənə yeni ideyalar verir. Bu, qarşılıqlı bir prosesdir.

Auditoriya ilə qarşılıqlı əlaqəniz necədir?

Auditoriyamı sadəcə izləyici kimi yox, yol yoldaşı kimi görürəm. Onların reaksiyaları mənə həm motivasiya verir, həm də məsuliyyət hissi yaradır. İnsanların sözlərimdə özünü tapması mənim üçün ən böyük uğurdur.

TikTok sizin tanınmağınıza necə təsir edib?

TikTok mənim üçün dönüş nöqtəsi oldu. Bu platforma sayəsində qısa müddətdə daha geniş auditoriyaya çatdım. Əvvəllər məhdud çevrədə qalan yaradıcılığım indi fərqli şəhər və ölkələrdən insanlara çatır. TikTok mənə özümü doğru şəkildə təqdim etmək və tanınmaq imkanı verdi.

Şeirin TikTok-da artan mövqeyini necə qiymətləndirirsiniz?

Bu, çox müsbət tendensiyadır. TikTok şeiri daha əlçatan etdi. Qısa və emosional kontent formatı şeirlə çox uyğunlaşır. Bu da gənclərin ədəbiyyata marağını artırır və yeni yaradıcıların ortaya çıxmasına şərait yaradır.

Gənc yaradıcılara nə kimi məsləhətlər verə bilərsiniz?

Hər şeydən öncə səmimi olsunlar. İnsanlar süni kontenti tez hiss edir. Öz səsinizi tapın və davamlı olun. TikTok-da inkişaf üçün ardıcıllıq çox önəmlidir. Hər paylaşım sizi məqsədə bir addım yaxınlaşdırır.

Gələcək planlarınız haqqında nə deyə bilərsiniz?

Gələcəkdə şeirlərimi kitab halında təqdim etmək və daha geniş layihələr həyata keçirmək istəyirəm. Eyni zamanda TikTok-da daha interaktiv və yeni formatlar üzərində işləməyi planlaşdırıram.

Son mesajınız oxuculara və izləyicilərinizə nə deyərdiniz?

Məni izləyən hər kəsə təşəkkür edirəm. Hər insanın daxilində bir hekayə var. Onu ifadə etməkdən çəkinməyin. Əgər sözləriniz səmimidirsə, mütləq öz ünvanına çatacaq.

• Nuhun gəmisinə aid olduğu iddia edilən yeni tapıntılar aşkarlandı
• “Mən əfsanəyəm 2” çəkiləcək - Uill Smit və Maykl B. Cordan eyni filmdə
• Bu gün Beynəlxalq Rəqs Günüdür