Kulis.az Səməd Vurğun və Hüseyn Cavidin Mir Cəfər Bağırova yazdığı məktubları çap edir.
Azərbaycan Respublikası Prezidenti İşlər İdarəsi Siyasi Sənədlər Arxivində saxlanılan bu məktublar Teyyub Qurbanın “Həqiqət olduğu kimi” kitabının 37-ci səhifəsində çap olunub.
Məktubları şərhsiz çap edirik:
“Hörmətli yol. Bağırov!
İndiyə qədər mənim mənzil məsələm həll edilməmişdir. Beş nəfərlik ailəmiz kiçik bir otaqda yaşayırıq. Bu vəziyyət mənim yaradıcılıq işimə böyük zərbələr vurur, özüm də get-gələ zəifləyirəm. Çox rica edirəm ki, mərkəzi partiya komitəsinin yaşayış binasında boşalmaqda olan bir mənzilin mənə verilməsi sərəncamında bulunasınız”.
Sizin: Səməd Vurğun
7 oktyabr, 1936.
Səməd Vurğunun ərizəsinə Mir Cəfər Bağırov tapşırığı ilə Mərkəzi Komitənin növbəti büro iclasında 1936-cı il oktyabrın 17-də baxılmış və məsələ ən yüksək səviyyədə həll edilmişdir. O, mənzillə təmin olunmuşdur.
Hüseyn Cavidin ərizəsində deyilir:
“Möhtərəm Mir Cəfər Bağırov yoldaş!
Son zamanlarda mənə və yazılarıma qarşı – istər mənəvi, istər maddi cəhətdən – qaba və soyuq bir keçimsizlik var. Bu da yalnız tək-tək şəxslərin kaprizindən irəli gəlməkdədir. Cəsarət olsa da, fikrinizi bu nöqtəyə cəlb etməklə, 30 ildən artıq əmək sərf edən xəstə və yorğun bir yazıçının halını düşünməyinizi rica edirəm.
Hüseyn Cavid,
3 oktyabr 1936. Bakı.
Hüseyn Cavidin ərizəsinə MK-nin oktyabrın 22-də keçirilmiş Büro iclasında baxılmışdır. MK qərarının üzərində M.C.Bağırovun hökümət başçısı Hüseyn Rəhmanova və MK bürosunun üzvü Ruhulla Axundova ünvanlanmış bu sözlər yazılmışdır: “H. Cavid yoldaşı MK-ya dəvət edin, onun şikayətini dinləyin və nəticəsi barədə Azərbaycan K(b)P MK-ya məlumat everin. İmza: M.C.Bağırov”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Travmatik yaşantının vizual simvolu - Dilrubanın bananlarla oynama aludəliyini niyə birmənalı yozmaq mümkün olmur?
15:00
12 avqust 2025
"Onu “Beş dəqiqəlik yol”da necə sevmişəmsə..." - Yaşar Rzayevin Vəlisi ilə Anarın Kəbirlinskisini qoşalaşdıran nədir?
09:00
11 avqust 2025
"Buna Azərbaycan dilində yazılmış mətn deməyə adam çətinlik çəkir..." - Abbasqulu ağa Bakıxanov niyə ərəb-fars tərkibləri ilə yazırdı?
12:15
8 avqust 2025
Yar yaraya çevriləndə... - Müşfiqin illüziyadan gerçəkliyə sərt keçidi
09:00
8 avqust 2025
Xalq yazıçısı Anar: "Elçin bu sirri özüylə apardı..."
12:10
7 avqust 2025
"O tozu bir oxucu kimi boğazımda hiss edirəm..." - Firəngiz niyə Məhərrəmə ərə getməyə razı olur?
09:00
7 avqust 2025
