Qazax Dövlət Dram Teatrı 86-cı mövsümü başa vurdu

Qazax Dövlət Dram Teatrı 86-cı mövsümü başa vurdu
17 iyul 2024
# 14:30

İyulun 13-ü Musa Eyyubovun Əli Əmirlinin “Onun iki qabırğası” komediyası əsasında quruluş verdiyi tamaşanın premyerasını təqdim edən Qazax Dövlət Dram Teatrı 86-cı mövsümünü başa vurub.

Kulis.az xəbər verir ki, iyulun 15-i Qazax Dövlət Dram Teatrında 86-cı mövsümün sona çatması ilə bağlı iclas keçirilib.

İclası teatrın direktoru vəzifəsini icra edən rejissor Allahverdi Musayev açaraq teatrın 86-cı mövsümdə gördüyü işlərlə bağlı ətraflı məlumat verib. O bildirib ki, sənət ocağı bu mövsümdə beş yeni tamaşa ilə teatrsevərləri sevindirib. Bura, rejissor Xəzər Gəncəlinin quruluş verdiyi məhşur türk yazıçı-dramaturqu Tüncer Cücenoğlunun “Dosye” və Turqut Özakmanın “Adət”, Füzuli Dövlət Dram Teatrından dəvət olunmuş rejissor Mirzə Nicatın quruluşunda yazıçı-dramaturq Jalə İsmayılın “Ametis xanım və Apatit bəy” pyesi əsasında hazırlanan “Love Butik”, teatrın baş rejissoru, əməkdar artist Musa Eyyubovun quruluş verdiyi yazıçı-dramaturq Əli Əmirlinin “Onun iki qabırğası” məişət komediyası əsasında hazırlanan eyniadlı tamaşalar daxildir. Eyni zamanda, kollektiv “Yeni il” ərəfəsində “Dəniz quldurlarının macəraları”, Novruz Bayramı günlərində “Keçəlin toyu” və 1 İyun - Uşaqların Beynəlxalq Müdafiəsi Günü ərəfəsində İsgəndər Coşqunun “Çal, oyna” uşaq tamaşaları ilə azyaşlıları sevindirib. Allahverdi Musayev məzuniyyət günlərində də yaradıcılıq fəaliyyətini davam etdirəcəklərini vurğulayıb. O, payız aylarında ölkəmizdə keçiriləcək mono-tamaşalar festivalında iştirak üçün gənc yazıçı Şəbnəm Xeyrullanın “Arqon” əsərinin məşqlərinə başlanacağını bildirib.

Ardınca çıxış nitqinə teatrın baş rejissoru, əməkdar artist Musa Eyyubov başlayıb. O, sənət ocağının kollektivinin rayon tədbirlərində göstərdiyi fəallığı, BDU-nun Qazax filialı və ADA universitetinin Qazax Mərkəzi ilə qurulan əməkdaşlığı və müştərək işi xüsusi vurğulayıb.

Sonda teatrın aktyoru Aydın Orucov qısa zaman ərzində qazanılan uğurlara və görülən işlərə görə rəhbərliyə təşəkkür edib.

# 1975 dəfə oxunub

Oxşar xəbərlər

Musiqili Teatrının direktoru Əliqismət Lalayev işdən çıxarıldı

Musiqili Teatrının direktoru Əliqismət Lalayev işdən çıxarıldı

18:18 4 aprel 2025
Kukla Teatrının aprel repertuarı

Kukla Teatrının aprel repertuarı

15:03 1 aprel 2025
"Xurşidbanu Natəvan"  Şəki Dövlət Dram Teatrında

"Xurşidbanu Natəvan" Şəki Dövlət Dram Teatrında

13:55 1 aprel 2025
Prezident İlham Əliyev Şəfiqə Məmmədovaya “İstiqlal” ordenini təqdim edib - FOTOLAR

Prezident İlham Əliyev Şəfiqə Məmmədovaya “İstiqlal” ordenini təqdim edib - FOTOLAR

12:58 29 mart 2025
Naxçıvan Dövlət Milli Dram Teatrı  Türkiyədə festivalda - Fotolar

Naxçıvan Dövlət Milli Dram Teatrı Türkiyədə festivalda - Fotolar

12:19 29 mart 2025
Şəfiqə Məmmədova “İstiqlal” ordeni ilə təltif edilib - Sərəncam

Şəfiqə Məmmədova “İstiqlal” ordeni ilə təltif edilib - Sərəncam

11:37 29 mart 2025
# # #