Britaniya yazıçısı Aqata Kristinin nəvəsi nənəsinin oxucularla məktublaşmalarını çap edib. Kulis.az-ın lenta.ru-ya istinadən verdiyi məlumata görə Metyu Priçard bu məktubları yazıçının 125 illiyi münasibətilə çap etdirmək qərarına gəlib. Yüzlərlə məktubun içində ingilis ədib və dramaturqu Pelem Qrenvil Vudhauzun yazışmalar da var.

Vudhauzun məktubu 1969-cu ildə yazılıb. O, məktubda qeyd edir ki, Kristinin yeni kitabları həmişə hadisədir və “Hellouində ziyafət” romanını ona həsr etdiyi üçün sevinc və qürur duyur.

Bundan başqa Vudhauz əsərin adının da düzgün seçildiyini söyləyir və qeyd edir ki, ad seçimi ədəbiyyatda çətin məsələlərdən biridir.

Bundan başqa məktublar arasında polyak mənşəli London sakininin yazışması da var. O yazıb ki, Kristinin romanlarından biri ona Ikinci Dünya Müharibəsi zamanı Almaniyada islah-əmək lagerində yaşamağa kömək edib. Qadın izah edib ki, o, lagerdə bir qırıq şamla “Qəhvəyi kostyumlu adam” kitabını dəyişib. “Mən o kitabı o qədər çox oxuyurdum ki, demək olar əzbərləmişdim. İlk 3-4 səhifə yox idi və mən kitabın nə adını nə də müəllifini bilmirdim, lakin 7 il ərzində bu kitab mənim normal dünya ilə yeganə bağlantım idi”- deyə xanım oxucu qeyd edib.

Bundan başqa Kristinin Bristoldan olan 14 yaşlı oğlanın da məktubunu saxladığı qeyd olunub. Oğlan yeni romanları almağa pul yığmaq üçün öz məktəbində kitab klubu təşkil edib. “Məndə sizin 28 kitabınız var. Mən onları 3 penniyə məktəbdə oxumağa verirəm. Əgər evdə oxumaq istəsələr altı penni ödəyirlər” – deyə o, izah edib.

Kristinin əsərlərinin ortaya çıxdığı 1920-ci illərdən həmən sonra məşhurlaşıb. Yazıçı 80 roman və hekayə toplusu nəşr etdirib. Bundan başqa onun dünyanın 70-dən çox dilinə çevrilən 19 pyesi var. Bəzi məlumatlara görə, Kristinin kitabları tirajına görə, yalnız Bibliyadan və Şekspirin əsərlərindən geri qalır.

• "Heç nə sübut olunmayıbsa, hər şeyə icazə verilir..." - Teodor Drayzerdən sitatlar
• Amerikalı müğənninin ölümü ilə bağlı detallar ortaya çıxdı
• “Daşlara həkk olunan tale: Əcəmi Naxçıvani” filminin çəkilişləri yekunlaşdı